Ämmädinge - Ordnung der Gemeinde zu Emmendingen
Ich, das Büchlein ist der gemehn zu Emdyngen, wers stil, der ist ein Dieb, er sig Rider oder Knecht, so ist im der galg gerecht.
Recht und gebrauch auch Zinß der gemeind Emmedtingen.
So der Heymburg die gemeynde zu samin lut, So sol ein jeder, solches hort, sich von Stund an uff den platz fugen, und so der Heimburg also gelütt hat, sol er von einer Bruck zu der anderen, und darnach uff den platz oder uff das huß gon und welcher nach Ime also uff den platz oder die Stube kumpt, der sol zu straff unableßlich verfallen sin 2 Pfennig so dick das geschicht.
Ob einer aber die glock hort und mit geuerde uß blybe, den mag myn gnediger Herr nach sinder gnaden gefallen straffen.
Welcher aber uß den Zeichen were, so die gemein gesetzt und verordnet hat und die truw darumb geben, daß er nit hab hören luten, sol der 2 Pfennig ledig sin. Und sindt nun das nemlich die Zeichen alß:
Ob ein Heimburg einem etwas gebüt oder verbüt, und er das nit thete oder hielte, der sol unableßlich verfallen sin 16 Pfennig so offt und dick das geschicht.
Ein yedes vych, Es sie Roß, kuwe oder schwin, die zu schaden gon, sol tags verfallen sin 6 Pfennig und nachts 1 Schilling Pfennig.
Und ob einer mit geuerde einem, es war tag oder nacht, mit seinem vych schaden zufuget, das sol er nach erkantnis vogts und richter besseren, unybruchlich unserem gnedigen Heren an seiner gnaden oberkeyt ime alweg.
Es sol keiner, wer der sy, kein Eych weder in iren Zinßgütern noch in der gemeindtholtz unerlaupt abhowen by verlierung con jedem stumpff 5 ß Pfennig.
Es sol auch keiner weder uff der almend noch uff dem hof zu Malneck unerlaupt keinerley Holtz hauven by pen 5 ß Pfennig.
Es sol auch keiner den anderen weder an hagen noch an zynen weder mit houwen, zerryssen oder uffbrechen kein schaden zu fügen by pen 5 ß Pfennig.
Es soll auch keiner dem andern in sin güter und uff das sin gen, es sy in Reben, garten oder uff Ackern do er ime schaden zufügen mege, Als trüblin abschniden, obs abbrechen, oder ufflesen, by pen tags 5 ß Pfennig und by der nacht ist unserem gnedigen Herren heym gestalt.
So hat die gemeyndt gemacht und geordnet by der truwe, man hyrten oder herten lon uff einem gelegt, und der Heimburg solchs uff einem bestympten tag gebüt zu geben und er sollichs nit thete, sol er gut macht han nach werkantnis der gemeyn demselbigen in sin huß zu gen, ime nemen, was er hat, es sy vyhe oder anders, so lang und vyl er bezalt würt. Und ob er eich mit gewalt gegen den Heimburg entsatzte, sol er solchs dem vogt anbringen.
Als die von Emettingen den kastelberg von Peter Menche selig koufft hand, ist zwischen denen von Emettingen und gemeltem Peter Menche abgeredet worden als hernach volgt:
Das Peter Menche und sin erben gut recht hand zu faren uff den obgemelten kastelberg glich denen von Emmeingen und herwidderumb die von Emettingen gut recht haben zu faren uff sin gut wie die banstan zwischen Mundingen und Emettingen wysen. Solchs mögen sie bruchen und nutzen bes Sant Bartholomeustag, alsdann sollen beyde theyl abston und yeder theyl uff dem synen bliben, und allweg aber das ander Jar sol obgemelter Peter Menche oder syne Erben denen von Emettingen weg und steg durch den kalchhoff uff der Hubi gen.
Unnd sindt by diser ernuwerung obgemeltes kauffs gewesen die Erbern, Veltin Kugel, vogt zu Emettingen, Conrad Trosch der Heimburg, Lorenz Metzger, Martin Heß, Martin Schnyfer, Hans Rot der alt vogt, Erhart Spieß, Hans Colmar und Peter Menche der verkouffer.
Zu wissen wie man das vych halten soll mit Hyrtenlon, Atzung und Horstwirtzen gelt.
Welches Schwin zwölff wochen alt ist, sol für den Hyrten getrieben werden und dorab etzen, und lonen, wie billig ist; Und ob er nit faran etzte und fürschickte, der sol der gemein verfallen sin 5 ß Pfennig.
Und ob einer sin Schwin nit ußrrybe, wie vorgemelt ist, so sol esr uff dem sinen behalten und uff kein almend lassen gon, by verlierung 16 Pfennig
Und welcher von der gemeyn solchs sehe oder erfüre, der sol es by seiner truwe, so er der gemein verpflicht ist, dem Heimburgen anbringen.
Item welche Suw zum Meytag zwölff wochen alt ist, die gibt vollen lon zu Sant Johanns tag.
Und welche Suw zu Sant Margarethen tag zwölff wochen alt ist, die gibt vollen lon zu wyhennachten.
Item welcher ein Suwe inlegt zu mesten acht tag vor oder nach Sant Michelstag ongeuerlich, der sol vollen lon zu synachten geben und der atzung fry sin.
Zu wissen wie man das gehurnt vyhe halten sol.
Welcher ettwas vyhs verkoufft oder hinweck thut vor Sant Jörgen tag, das gibt nit mer denn halben lon uff Sant Johanstag.
Item was vyhe umb Sant Jörgen tag ußgot, das gibt Sant Johans tag vollen lon, es syen kuw oder kelber; und sol man darab etzen.
Item was vyhe acht tag nach Sant Marr tag ußgot, das gibt Horswertzen gelt
Item was vyhs des heylgen Trutz tag erhebung verkoufft oder inkoufft wurde, das man für den herter treyben wil, sol halben lon geben.
Item wan ein styer 2 jar alt wirt, sol er uß der herdt gethan werden by pen 5 ß Pfennig; ob er aber schaden thet, so sol er ehe daruß gethan werden.
(Diesen artickel lißt man nit, der wyl ein gemeindt zu Emettingen ein sondere Stierhut hat.)
Nota.
Welcher inherzycht und hindersessig wil syn hinder der gemeyn zu Emettingen und ir wun und weid und ire gerechtigkeit nutzen und bruchen, der sol der gemeynd 5ß Pfennig geben.
1471. Summa der Hoffstetten: iv Hüser zu Emettingen.
Es ist auch erkannt worden von einer gantzen Gemeindt, welcher zu Heuwen oder zu Ehmden oder aber graßen in der Ban weid hatt, und es nit heuwet od. ohmdett, Es Seig Heuw, Ehmdt, oder aber Graß, und es in acht tagen vor Sannt Mechels tag nit heuwet, so soll die gemeindt zu Emmednigen ime kein Antwurtt dorumb geben.
Item sollen diejenigen, so mer denn ein Hoffstett in Besitzung gehapt, und die waldrecht von der einen gefronnet haben, ist Nun von den zwölffen Erkanndt, dass dieselbigen hinfür von beiden Hofstetten fronnen sollen.
Von Thomann Limberg
der Zeit zu Emmendingen
Schriber und Ratt.
Summa sind der Hofstätten syben und füvtzig und git eine Hofstett einen ß Pfennig.
Ämmädinge - Ordnung der Gemeinde zu Emmendingen -- letzte Änderung: 24.07.2011 -- wieder hoch
Ich, das Büchlein ist der gemehn zu Emdyngen, wers stil, der ist ein Dieb, er sig Rider oder Knecht, so ist im der galg gerecht.
Recht und gebrauch auch Zinß der gemeind Emmedtingen.
So der Heymburg die gemeynde zu samin lut, So sol ein jeder, solches hort, sich von Stund an uff den platz fugen, und so der Heimburg also gelütt hat, sol er von einer Bruck zu der anderen, und darnach uff den platz oder uff das huß gon und welcher nach Ime also uff den platz oder die Stube kumpt, der sol zu straff unableßlich verfallen sin 2 Pfennig so dick das geschicht.
Ob einer aber die glock hort und mit geuerde uß blybe, den mag myn gnediger Herr nach sinder gnaden gefallen straffen.
Welcher aber uß den Zeichen were, so die gemein gesetzt und verordnet hat und die truw darumb geben, daß er nit hab hören luten, sol der 2 Pfennig ledig sin. Und sindt nun das nemlich die Zeichen alß:
- Der groß Stein zwischen Dörffern uff den Ackern.
- Item welcher kumpt uff den Zinß Acker.
- Oder welcher kumpt durch die kintzgen des Conradts troschen reben.
- Item welcher für peter webers reben an die leim grub kumpt.
- It. welcher für des heylgen hußlin im ober ziegel hoff es sy gein dem kastelberg oder gen dem weyer kumpt.
- It. welcher kumpt uber brucklin steg, horswertzin steg und uber den eltzen steg, sollen der 2 Pfennig auch frey sein wenn sie Ir trew darumb thun wie obgemeldt ist.
Ob ein Heimburg einem etwas gebüt oder verbüt, und er das nit thete oder hielte, der sol unableßlich verfallen sin 16 Pfennig so offt und dick das geschicht.
Ein yedes vych, Es sie Roß, kuwe oder schwin, die zu schaden gon, sol tags verfallen sin 6 Pfennig und nachts 1 Schilling Pfennig.
Und ob einer mit geuerde einem, es war tag oder nacht, mit seinem vych schaden zufuget, das sol er nach erkantnis vogts und richter besseren, unybruchlich unserem gnedigen Heren an seiner gnaden oberkeyt ime alweg.
Es sol keiner, wer der sy, kein Eych weder in iren Zinßgütern noch in der gemeindtholtz unerlaupt abhowen by verlierung con jedem stumpff 5 ß Pfennig.
Es sol auch keiner weder uff der almend noch uff dem hof zu Malneck unerlaupt keinerley Holtz hauven by pen 5 ß Pfennig.
Es sol auch keiner den anderen weder an hagen noch an zynen weder mit houwen, zerryssen oder uffbrechen kein schaden zu fügen by pen 5 ß Pfennig.
Es soll auch keiner dem andern in sin güter und uff das sin gen, es sy in Reben, garten oder uff Ackern do er ime schaden zufügen mege, Als trüblin abschniden, obs abbrechen, oder ufflesen, by pen tags 5 ß Pfennig und by der nacht ist unserem gnedigen Herren heym gestalt.
So hat die gemeyndt gemacht und geordnet by der truwe, man hyrten oder herten lon uff einem gelegt, und der Heimburg solchs uff einem bestympten tag gebüt zu geben und er sollichs nit thete, sol er gut macht han nach werkantnis der gemeyn demselbigen in sin huß zu gen, ime nemen, was er hat, es sy vyhe oder anders, so lang und vyl er bezalt würt. Und ob er eich mit gewalt gegen den Heimburg entsatzte, sol er solchs dem vogt anbringen.
Als die von Emettingen den kastelberg von Peter Menche selig koufft hand, ist zwischen denen von Emettingen und gemeltem Peter Menche abgeredet worden als hernach volgt:
Das Peter Menche und sin erben gut recht hand zu faren uff den obgemelten kastelberg glich denen von Emmeingen und herwidderumb die von Emettingen gut recht haben zu faren uff sin gut wie die banstan zwischen Mundingen und Emettingen wysen. Solchs mögen sie bruchen und nutzen bes Sant Bartholomeustag, alsdann sollen beyde theyl abston und yeder theyl uff dem synen bliben, und allweg aber das ander Jar sol obgemelter Peter Menche oder syne Erben denen von Emettingen weg und steg durch den kalchhoff uff der Hubi gen.
Unnd sindt by diser ernuwerung obgemeltes kauffs gewesen die Erbern, Veltin Kugel, vogt zu Emettingen, Conrad Trosch der Heimburg, Lorenz Metzger, Martin Heß, Martin Schnyfer, Hans Rot der alt vogt, Erhart Spieß, Hans Colmar und Peter Menche der verkouffer.
Zu wissen wie man das vych halten soll mit Hyrtenlon, Atzung und Horstwirtzen gelt.
Welches Schwin zwölff wochen alt ist, sol für den Hyrten getrieben werden und dorab etzen, und lonen, wie billig ist; Und ob er nit faran etzte und fürschickte, der sol der gemein verfallen sin 5 ß Pfennig.
Und ob einer sin Schwin nit ußrrybe, wie vorgemelt ist, so sol esr uff dem sinen behalten und uff kein almend lassen gon, by verlierung 16 Pfennig
Und welcher von der gemeyn solchs sehe oder erfüre, der sol es by seiner truwe, so er der gemein verpflicht ist, dem Heimburgen anbringen.
Item welche Suw zum Meytag zwölff wochen alt ist, die gibt vollen lon zu Sant Johanns tag.
Und welche Suw zu Sant Margarethen tag zwölff wochen alt ist, die gibt vollen lon zu wyhennachten.
Item welcher ein Suwe inlegt zu mesten acht tag vor oder nach Sant Michelstag ongeuerlich, der sol vollen lon zu synachten geben und der atzung fry sin.
Zu wissen wie man das gehurnt vyhe halten sol.
Welcher ettwas vyhs verkoufft oder hinweck thut vor Sant Jörgen tag, das gibt nit mer denn halben lon uff Sant Johanstag.
Item was vyhe umb Sant Jörgen tag ußgot, das gibt Sant Johans tag vollen lon, es syen kuw oder kelber; und sol man darab etzen.
Item was vyhe acht tag nach Sant Marr tag ußgot, das gibt Horswertzen gelt
Item was vyhs des heylgen Trutz tag erhebung verkoufft oder inkoufft wurde, das man für den herter treyben wil, sol halben lon geben.
Item wan ein styer 2 jar alt wirt, sol er uß der herdt gethan werden by pen 5 ß Pfennig; ob er aber schaden thet, so sol er ehe daruß gethan werden.
(Diesen artickel lißt man nit, der wyl ein gemeindt zu Emettingen ein sondere Stierhut hat.)
Nota.
Welcher inherzycht und hindersessig wil syn hinder der gemeyn zu Emettingen und ir wun und weid und ire gerechtigkeit nutzen und bruchen, der sol der gemeynd 5ß Pfennig geben.
1471. Summa der Hoffstetten: iv Hüser zu Emettingen.
Es ist auch erkannt worden von einer gantzen Gemeindt, welcher zu Heuwen oder zu Ehmden oder aber graßen in der Ban weid hatt, und es nit heuwet od. ohmdett, Es Seig Heuw, Ehmdt, oder aber Graß, und es in acht tagen vor Sannt Mechels tag nit heuwet, so soll die gemeindt zu Emmednigen ime kein Antwurtt dorumb geben.
Item sollen diejenigen, so mer denn ein Hoffstett in Besitzung gehapt, und die waldrecht von der einen gefronnet haben, ist Nun von den zwölffen Erkanndt, dass dieselbigen hinfür von beiden Hofstetten fronnen sollen.
Von Thomann Limberg
der Zeit zu Emmendingen
Schriber und Ratt.
Summa sind der Hofstätten syben und füvtzig und git eine Hofstett einen ß Pfennig.
Ämmädinge - Ordnung der Gemeinde zu Emmendingen -- letzte Änderung: 24.07.2011 -- wieder hoch